16 май 13:19
Янгиликлар

Теннис

Зверев Рим "Мастерс" 1/2 финалига чиқди

Дунёнинг бешинчи ракеткаси Александр Зверев Рим "Мастерс" турниридаги муваффақиятли юришини давом эттирмоқда.

Германиялик теннис устаси 1/4 финалда ATP рейтингида 13-поғонани эгаллаб турган америкалик Тэйлор Фритцни мағлубиятга учратди - 6/4, 6/3. Теннисчиларнинг ўзаро учрашувларида Зверев олдинда бормоқда - 5:3.

Саксон етти дақиқалик учрашув статистикаси:

Александр Зверев - 6 та эйс, 1 та қўшхато, 3 та брейк

Тэйлор Фритц - 1 та эйс, қўшхато йўқ, брейк йўқ

Олмон теннисчиси Internazionali BNL d'Italia турнирининг 1/2 финалида аллақачон мусобақа кашфиётига айланиб улгурган чилилик Алехандро Табилога қарши кортга чиқади.