Звонарёва St.Petersburg Ladies Trophy 1/4 финалида

St.Petersburg Ladies Trophy турнирида иккинчи давра учрашувлари ўтказилиб, чорак финалга йўл олган теннис маликалари номи маълум бўляпти. Мезбонлар вакиласи Вера Звонарёва франциялик Фиона Феррога қарши кортга чиқиб, номдор рақибасини мағлуб эта олди - 6/7(6), 7/5, 7/6(2).

Уч соату 13 дақиқа давом этган баҳсда рейтингнинг 145-поғонасида бораётган 36 ёшли Вера 5 та, дунёнинг 43-ракеткаси бўлиб турган 24 ёшли Фиона эса 1 та эйс зарбасини амалга оширди. Бу теннисчиларнинг ўзаро ўтказган илк учрашуви эди.