Miami Open. Emma Radukanu startdayoq turnir bilan xayrlashdi

Jahonning 13-raketkasi, britaniyalik Emma Radukanu turnirning ikkinchi davrasida WTA reytingida 53-pog'onadan joy olgan chexiyalik Katerina Sinyakovaga uch setda 6/3, 4/6, 5/7 hisobida mag'lub bo'ldi va musobaqa bilan xayrlashdi. 

Uchrashuv 2 soatu 55 daqiqa davom etdi. Ushbu vaqt davomida sportchilar bittadan eysni amalga oshirib, bittadan qo'sh xatoga yo'l qo'yishdi. SHu bilan birga, Radukanu beshta, Sinyakova esa oltita breyk-poynt qayd etdi. Bu ularning birinchi rasmiy uchrashuvi edi.

Mayami "Masters" musobaqasining uchinchi davrasida Sinyakova avstraliyalik Dariya Sevillga qarshi bahs olib boradi.