30 mar 08:39
Yangiliklar

Boks/MMA

Saidyoqub bilan bir oqshomda yana bir o'zbekistonlik jang qiladi

Firdavs Hasanov Saidyoqub Qahramonov bilan bir oqshomda oktagonga chiqadi.

8 aprel tongida AQSHning Janubiy Karolina shtatida aralash jang sanatlari bo'yicha XMMA 6 turniri bo'lib o'tadi.

Ahamiyatlisi, turnir doirasida yana bir o'zbekistonlik jang qiladi. Firdavs Hasanov (8-4) mezbon yurt vakili Josh Smitga (11-8) qarshi oktagonga chiqadi. Hamyurtimiz so'nggi to'rtta jangining barchasida mag'lub bo'ldi, uning raqibi ham so'nggi jangida g'alabani boy bergan.

Turnirning markaziy jangida ikki nafar UFC sobiq jangchilari — o'zbekistonlik Saidyoqub Qahramonov (10-3) va AQSH vakili Fransisko Riveyra (15-10) to'qnash keladi.

Hamyurtlarimiz ishtirokidagi musobaqa YouTube platformasidagi XMMA TV kanali orqali translyaciya qilinadi.