"Sen 47 yoshli odamdan qo'rqmaysan, shundaymi?" - Fyuriga Klichko bilan revansh taklif qilindi

Aleksandr Usikning promouteri Aleksandr Krasyuk Tayson Fyuriga og'ir vazn toifasida sobiq jahon chempioni Vladimir Klichko bilan revansh jangini o'tkazishni taklif qildi.

"Agar Fyuri mutlaq jahon chempionligiga qiziqsa, u ayol bokschilar o'rtasida jahon chempioni Klariss SHildsga qarshi jang qilishi mumkin. Ammo Fyurining obro'sini tiklash uchun boshqa ajoyib variant bor. Axir u hali ham Vladimir Klichkoga revansh berishga qarzdor. Tayson, sen 47 yoshli odamdan qo'rqmaysan, shunday emasmi? Qani, endi bizga o'z jasoratingni ko'rsat", - dedi Krasyuk.