20 apr 13:59
Yangiliklar

Boks/MMA

UFC Fight Night 224 turnirining markaziy jangi ayollar o'rtasida o'tkaziladi

20 may kuni AQSHning Nevada shtati Las-Vegas shahrida navbatdagi UFC turniri bo'lib o'tadi.

UFC Fight Night 224 oqshomining markaziy jangi ayollar ligasi engil vazn toifasida o'tkazilishi rasman elon qilindi. Unda Rakel Pennington Iren Aldanaga qarshi oktagonga ko'tariladi. Ushbu jang UFC kamari uchun davogarlar to'qnashuvi maqomida bo'ladi.

Malumot uchun, Rakel Pennington 5 ta g'alabali seriya bilan kelmoqda. Oxirgi jangida Ketlin Vieyrani mag'lubiyatga uchratgan edi. Iren Aldana esa ketma-ket ikkita jangda g'alaba qozondi. U Yana Santos va Meysi CHiassonni nokautga uchratgan.

SHuningdek, bu jang revansh maqomida ham bo'ladi. 2019 yilning iyul oyida o'tkazilgan ilk jangda Pennington Aldanadan ochkolar hisobiga ko'ra ustun kelgandi. Ayni paytda Rakel Pennington reytingda ikkinchi, Iren Aldana esa beshinchi o'rinni egallab turibdi.