2 dekabr kungi prof boks oqshomining markaziy jangi malum + FOTO

Lift Promotion promouterlik kompaniyasi hamda O'zbekiston professional boks federaciyasi hamkorligida tashkil etilayotgan ushbu boks oqshomi 2 dekabr kuni soat 18:00da boshlanadi. 

Etiborlisi, ushbu professional boks kechasining markaziy jangi Fazliddin G'oibnazarov ishtirokida bo'lib o'tadi. Rio Olimpiadasi chempioniga yana bir hamyurtimiz Jamshid Karimov "vyzov" tashladi. 

Qizig'i, ushbu jarayon saytimizda bokschilarimiz ishtirokida o'tkazilayotgan suhbat chog'ida amalga oshdi. Samarqandlik Jamshid Karimov prof ringda 11 ta jang o'tkazgan bo'lib, ularning barchasida g'alaba qozongan. So'nggi jangini 10 noyabr kuni "Yunusobod" sport majmuasida o'tgan boks kechasining markaziy jangida andijonlik Zohidjon Hudoyberdievga qarshi o'tkazib, muddatidan avval texnik nokaut evaziga zafar quchgandi. 

Fazliddin G'oibnazarov esa so'nggi jangini 13 avgust kuni "Humo" arenada o'tgan professional boks kechasining markaziy jangida venesuelalik Eyder Parraga qarshi ringga ko'tarilgandi. O'n raundga mo'ljallangan jang 38 soniyada yakunlangandi. Fazliddin birinchi raunddayoq kuchli zarbasi evaziga raqibini nokautga uchratgan edi. 

Malumot uchun, Fazliddin G'oibnazarov va Jamshid Karimov ishtirokidagi markaziy jang 10 raund etib belgilandi.