African Para Taekwondo Open turniridagi muvaffaqiyat+FOTO

Ushbu nufuzli musobaqada 17ta mamlakatdan 44 nafar sportchi dayanga chiqdi. Ular orasida 4 nafar o'zbekistonlik sportchi - Sarvarjon Obidjonov, Sanjarbek Muxtorov, Ziyoda Isoqova va Farhod Mamazieyov ham bor edi.

Quvonarlisi, O'zbekiston Para taekvondo terma jamoasi azolari Afrika Ochiq chempionatida muvaffaqiyatli ishtirok etishdi. Hamyurtlarimiz 2ta oltin va 2ta bronza medali bilan umumjamoa hisobida kuchli uchlikdan joy olishdi.

Farhod Mamazieyov final bahsida Kongo Demokratik Respublikasi sportchisini 9:1 hisobida mag'lub etib, oltin medalni qo'lga kiritdi. Ziyoda Isoqova esa final bahsida oltin ochko evaziga marokashlik raqibasini 1:0 hisobida engdi. 

Malumot uchun, 2020 yili Tokioda bo'lib o'tadigan Paralimpiya o'yinlari dasturidan para taekvondo ham o'rin olgan. Afrika Ochiq chempionati g'oliblari ana shu Paralimpiya o'yinlari uchun qimmatli 20 reyting ochkosini qo'lga kiritishdi.