11 iyu 11:38
Yangiliklar

Tennis

Alina Korneeva o'smirlar o'rtasidagi "Rolan Garros" g'olibasi!

O'smirlar o'rtasida o'tkazilgan "Katta Dubulg'a" turkumiga kiruvchi "Rolan Garros" turnirining bosh sovrini Alina Korneevaga nasib etdi.

Rossiyalik 15 yoshli qizaloq hal qiluvchi final uchrashuvida Peru vakilasi Lusyana Peres-Alarkondan 7/6(4), 6/3 hisobida ustun keldi. Tennischilar 98 daqiqa davomida kortda harakat qilishgan. Bu vaqt oralig'ida Korneeva 3 ta eys, 6 ta breykni amalga oshirib, 4 ta qo'shxatoga yo'l qo'ygan.

Bu Alinaning joriy mavsumdagi ikkinchi "Katta Dubulg'a" turniridagi g'alabasi bo'ldi. U French Open turniridan avval Australian Open musobaqasida ham bosh sovrin sohibasiga aylangan edi.