"Alpomish" ikkinchi jangini o'tkazadi

U MMA yo'nalishidagi debyut qilib g'alaba qozongan edi. Ayni paytda u ikkinchi jangiga hozirlik ko'rmoqda. Hamyurtimiz 11 may kuni Missuri shtati Sent-Lyuis shahrining "River City Casino & Hotel" arenasida navbatdagi jangini o'tkazadi. O'sha kuni u mezbon sportchi Antoni Oden bilan kuch sinashadi. Murodbek murabbiylari Stiven Mann hamda Jessi Finnan qo'l ostida janga jiddiy tayyorlanmoqda.

Uning murabbiylari Alpomish haqida ajoyib fikrlar bildirgan. Qolaversa, Murodbek CHorievning o'zi ham ko'tarinki kayfiyatda. Bu haqidagi videoni Telegramdagi kanalimizda tomosha qilishingiz mumkin.

"Men Jessi Finnanman. Alpomish bilan bilan ishlayotganimdan bag'oyatta mamnunman. Biz bu vaqt ichida judayam ko'p sportchilar bilan ishladik. Ammo, bu yigit o'sishda davom etmokda, eng asosiysi u biz bilan birga o'smoq. Biz yaqin orada uni professional jangchiga aylantiramiz. Ishonamanki, 3-5 yilda u UFC yoki Bellator chempioni boladi"-dedi murabbiy.

Stiven Manning fikrlari esa quyidagicha: "Maks juda yaxshi bola, u 6 yildan beri men bilan shug'ullanmoqda. Bu erga kelganida yosh bola edi va juda (qattiq) mashg'ulot o'tkazardi. Har bir mashqqa jiddiy qaraydi. Undan yaxshi natija kutsa bo'ladi. Agar shu ruxda davom etsa, uni porlok kelajak kutmoqda".

Sportchimizga navbatdagi jangida omad tilaymiz.