Andrey Rublyov uchta matchboldan chiqib ketdi

Dunyoning ettinchi raketkasi Andrey Rublyov ilk davrada qiyinchilik bilan g'alabaga erishdi. Rossiyalik tennischi ATP reytingida 54-pog'onada borayotgan ispaniyalik Bernabe Sapata Miralesga qarshi uchrashuvda uchta matchboldan chiqib ketib, yakunda g'alabaga erishdi - 5/7, 6/1, 7/6(7).

Bu tennischilarning o'zaro o'tkazgan ilk uchrashuvi edi. Ikki soatu 53 daqiqa davom etgan bahsda Rublyov 5, Sapata Mirales 2 ta eys zarbani amalga oshirdi. Hal qiluvchi uchinchi setning tay-breykida Rublyov 0:3 hisobida ortda qolayotgandi. Endi u ikkinchi bosqichda germaniyalik Daniel Altmayerga qarshi kortga chiqadi.