13 noy 08:47
Yangiliklar

Boks/MMA

Anvar Boynazarov AQSHdagi taniqli ligada jang qildi

Ayni daqiqalarda Amerika Qo'shma SHtatlarining Las-Vegasida MMA bo'yicha Tuff-N-Uff 134 turniri bo'lib o'tmoqda.

Biz uchun ahamiyatlisi, ushbu oqshomda engil vazn toifasida o'zbekistonlik aralash yakkakurash ustasi Anvar Boynazarov (5-3-0) ham jang qildi. Afsuski, hamyurtimiz mo'g'ulistonlik Rensten Otgontulgaga qarshi kechgan jangda yutqazib qo'ydi. Rensten birinchi raundning o'zida bo'g'ish usuli bilan Boynazarovni taslim etdi.

Tuff-N-Uff ligasi Anvar Boynazarov uchun begona emas. U 16 sentyabr kuni ushbu liganing 133-turnirida Keyl Monizga (7-2-0) qarshi jang qilib, birinchi raundda muddatidan oldin mag'lubiyatga uchragan edi.

SHundan so'ng, Anvar Boynazarov 30 sentyabr kuni AQSHning Yuta shtatida tashkil etilgan Crown FC 11 turniri doirasida mahalliy sportchi Kyuran Uolker (1-2-0) bilan jang qilib, ochkolar hisobiga ko'ra g'alaba qozongandi.