Arman Carukyan Moskvada navbatdagi jangini o'tkazdi

Moskva shahrida tashkil etilgan Braziliya jiu-jitsusi bo'yicha ACBJJ 18 turnirida Arman sobiq WEC va UFC chempioni Benson Xendersonga qarshi bahs olib bordi. Birinchi daqiqaning o'zidayoq u amerikalik raqibini parter holatiga tushirdi va oz emas, ko'p emas, 7 daqiqa davomida jangni muddatidan avval yakunlashga harakat qildi. Carukyan bu vaqt oralig'ida 20 dan ortiq usulni bajardi. Xenderson yaxshi himoyalandi va sakkizinchi daqiqada o'rnidan turishga ham muvaffaq bo'ldi. Lekin bellashuv yakunlanishiga 62 soniya qolgan bir paytda Arman qo'lda uchburchak bo'g'ish usuli bilan Bensonni taslim etdi. 

SHu tariqa, Arman Carukyan shu yilning o'zida gilamdagi uchinchi g'alabasini qo'lga kiritdi. Bungacha u grepplingda hamyurti Makkasharip Zaynukovni ochkolar, braziliyalik Patriki Freyreni muddatidan avval mag'lubiyatga uchratgan edi. 

Jang yakunlanishi bilan rossiyalikning ACBJJ ligasidagi navbatdagi raqibi elon qilindi. Arman yana bir rossiyalik aralash yakkukurash ustasi Mayrbek Taysumovga qarshi gilamga chiqadi. Carukyanning UFC oktagoniga qaytishi 22 noyabr kuni Qatarda o'tkaziladigan UFC turniriga to'g'ri kelmoqda. Arman oqshomning asosiy jangida Yangi Zelandiya vakili Den Xukerga qarshi oktagonga chiqadi.