02 jan 18:52
Yangiliklar

Tennis

ASB Classic. Emma Radukanu ham "buyuk qaytish" qildi

Dunyo reytingida 301-pog'onada borayotgan Emma Radukanu uzoq tanaffusdan so'ng yana katta tennisga qaytdi.

Britaniyalik tennis malikasi Yangi Zelandiyaning Oklend shahrida o'tkazilayotgan ASB Classic turnirida ishtirok eta boshladi. Emma ilk davrada WTA reytingida 134-o'rinni egallab turgan ruminiyalik Elena Gabriela Ruzeni 6/3, 4/6, 7/5 hisoblarida taslim etdi.

Bu tennischilarning o'zaro o'tkazgan ilk uchrashuvi edi. Ikki soatu 30 daqiqa davom etgan bahsda Radukanu 3, Ruze 2 ta eys zarbasini amalga oshirdi. Qo'shxatolar 6 ga 2 ko'rinishida Emma "foyda"siga bo'ldi. Britaniyalik tennischida raqibasiga qaraganda bitta breyk ko'proq bo'ldi - 6 ga 5.

Endi Emma Radukanu ASB Classic turnirining ikkinchi bosqichida ukrainalik Elina Svitolinaga qarshi kortga chiqadi.