Bahodir finalda, yunon-rum kurashchilarimizda 5-o'rin (12 kun yakunlari)

Kun davomida quyidagi sportchilarimiz bahslarda ishtirok etishdi:  

Baydarkada eshkak eshish. Ekaterina SHubina (500 m, saralash) - saralash va chorak finalda qatnashib, o'z ishtirokini muvaffaqiyatsiz yakunladi. 

Baydarkada eshkak eshish. SHahriyor Mahkamov (1000 m, saralash) - saralash va chorak finalda qatnashib, o'z ishtirokini muvaffaqiyatsiz yakunladi. 

Yunon-rum kurashi. Aram Vardanyan (77 kg, o'tish bahsi va bronza) - o'tish bahsida g'alaba qozondi, bronza uchun bahsda armanistonlik raqibga yutqazdi. 

Yunon-rum kurashi. Rustam Assakalov (97 kg, o'tish bahsi va bronza) - o'tish bahsida g'alaba qozondi, bronza uchun kubalik raqib bilan bahsda darohat sabab bellashuvni oxirigacha etkaza olmadi. 

Boks. Bahodir Jalolov - Nelvi Raman Tiafak (Germaniya) (+92 kg, yarim final) - 5:0 hisobida g'alaba qozonib, finalga yo'l oldi. 

Ushbu sahifa orqali o'zbekistonlik sportchilarning qayd etayotgan natijalaridan xabardor bo'lib turishingiz mumkin bo'ladi.

SAHIFANI YANGILASH

1:20. Bahodir Jalolov germaniyalik raqibini 5:0 hisobida mag'lubiyatga uchratib, finalga yo'l oldi.  

23:30. Rustam Assakalov bronza uchun bahsda jarohat olib, bahsni oxirigacha davom ettira olmadi. Exxx... Yana 5-o'rin.

22:43. Afsuski Aram Vardanyan bronza uchun bahsda armanistonlik raqibiga 5:6 hisobida imkoniyatni boy berdi va musobaqani 5-o'rinda yakunladi.

22:30. Yunon-rum kurashchilarimizning bronza uchun bahslari boshlanmoqda.

17:35. SHahriyor Mahkamov chorak finalda 1000 metr masofani bosib o'tdi. Afsuski u 3:35.43 natija bilan marraga 3-bo'lib etib keldi. U yarim finalga chiqish uchun 1 yoki 2-o'rinni olishi lozim edi.

16:34. Eshkak eshish. Ekaterina SHubina uchun chorak final ham muvaffaqiyatsiz bo'ldi. U 8 nafar sportchi ichida 1:54.63 natija bilan 6-o'rinni band etdi.

Bugungi kun uchun yangilangan taqvim:

16:30 - Ekaterina SHubina (baydarkada eshkak eshish, chorak final)

17:20 - SHahriyor Mahkamov (baydarkada eshkak eshish, chorak final)

21:45 dan so'ng: Aram Vardanyan - Malxas Amoyan (Armaniston) (yunon-rum kurashi, bronza uchun)

22:00 dan so'ng: Rustam Assakalov - Gabriel Alexandro Rosillo Kindelan (Kuba) (yunon-rum kurashi, bronza uchun)

01:00: Bahodir Jalolov - Nelvi Tiafak (Germaniya) (boks, yarim final)

15:45. Yunon-rum kurashchilarimizning kechki dasturdagi chiqishi esa 21:15 dan so'ng boshlanadi. 

15:00. Soat 16:30 da Ekaterina SHubina, 17:10 dan so'ng esa SHahriyor Mahkamov chorak finalda startga chiqadi. 

14:27. Eshkak eshish. SHahriyor Mahkamov o'z guruhida 3:40.25 natija bilan marraga 3-bo'lib keldi va chorak finalda qatnashadigan bo'ldi.

14:11. Rustam Assakalov o'tish bahsida Koreya Respublikasi vakilini 8:2 hisobida mag'lub etdi. Endi u kechki dasturda bronza uchun kurashadi. Raqib - kubalik Gabriel Alexandro Kindelan.

14:09. Aram Vardanyan o'tish bahsida jazoirlik raqibini 11:0 hisobida mag'lubiyatga uchratdi. Endi hamyurtimiz kechki dasturda bronza uchun bahs olib boradi. Raqib - armanistonlik Malxa Amoyan.

13:13. Ekaterina SHubina o'z guruhida 1:58.37 natija bilan marraga oxirgi bo'lib keldi. U to'g'ridan-to'g'ri yarim finalga chiqa olmadi. Biroq, chorak final orqali medal uchun kurashsa bo'ladi. 

12:30. Baydarkada eshkak eshish bahslari boshlandi. 5-chiqishda hamyurtimiz Ekaterina SHubina ishtirok etadi.