Bahodir Jalolov Fyuri - Usik jangida kim g'alaba qozonishini taxmin qildi

Bokschimiz matbuot anjumani davomida Tayson Fyuri hamda Aleksandr Usik jangiga taxmin bildirdi. 

"Biz 2-3 ta jangdan keyin katta janglarga chiqamiz. Agar shunga qadar Fyuri yoki Usik jangga rozi bo'lsa, ular bilan jang qilishni juda xohlar edim. Yaqinda ular o'rtasidagi mutlaq chempionlik jangi bo'lib o'tadi. Menimcha, bu jangda Usik g'alaba qozonsa kerak. Ammo bu boks, og'ir vaznda har qanday voqea sodir bo'lishi mumkin. Lekin Usikka ishonyapman. Bu boks, shunday ekan, har narsa sodir bo'lishi mumkin. Har ikki bokschiga omad tilayman", - dedi Jalolov.

Malumot uchun, Fyuri va Usik jangi 2024 yilning 17 fevral kuni Saudiya Arabistonining Ar-Riyod shahrida o'tkaziladi. Bahodir Jalolov esa 17 noyabr kuni Toshkentda janubiy afrikalik Kris Tompson bilan jang qiladi.