Bahodir Jalolov Kamshibek Ko'nkabaev bilan yana jang qiladimi?

Ayni vaqtda poytaxtimizdagi "International" mehmonxonasida "SHanxay Hamkorlik Tashkilotining sport elchilari" xalqaro tadbiriga bag'ishlangan matbuot anjumani bo'lib o'tmoqda. 

Tadbirda bokschimiz Bahodir Jalolov hamda qozog'istonlik Kamshibek Ko'nkabaev ham ishtirok etmoqda.

Bahodir Jalolov jurnalistlar savollariga javob berar ekan, qozog'istonlik bokschi bilan munosabati haqida fikr bildirdi.

"Ko'nkabaev bilan ringda raqibmiz, undan tashqarida do'stmiz. Havaskorda bo'ladimi yoki professional boksdami to'g'ri kelib qolsak, jang qilamiz. Lekin hozir u prof boksda -91 kg vaznda harakatlanmoqda, men esa super og'ir vaznda", - deya Bahodir Jalolovning so'zlaridan iqtibos keltiradi saytimiz xodimi Sarvinoz Raxmonqulova.