Bahodir Jalolov: "Usik bilan sparring o'tkazishni xohlayman"

"O'n marta ringga chiqsa, o'n martada ham Usik Joshuani yutadi. CHunki Usikda havaskor boksdagi tajriba bor. Joshuada ham bor, lekin uning maktabi Usiknikichalik emas. Usik oyoqda yaxshi harakat qiladi. Masalan, turgan narsani urish osonmi yoki yurgannimi? Albatta, turgan narsani. Usik bir joyda turmaydi. SHuning uchun ham uni urish qiyin. Joshuaga shu sababli ham qiyin bo'ladi. Usik oyoqda ishlash bo'yicha undan ancha baland. 

O'zim ham Usik bilan sparring o'tkazishni xohlayman. U oyoqda yaxshi ishlaydi, men ham oyoqda yaxshi harakat qilaman. Qachondir Usik bilan sparring qilib qolsam, qanaqa bo'larkan deb o'ylab qolaman. Menejerlarimga bu haqda ko'p aytaman. Usik, Joshua bilan sparringda ishlay deganimda: "Ertaga ular senga raqib bo'ladi, ular bilan ishlash senga kerak emas" deyishadi. Albatta, menejerlarimni ham boshqa rejalari bor", - dedi Bahodir Jalolov.