Barcha noolimpiya taekvondo federaciyalari yagona associaciyaga birlashtirildi

Unda Milliy olimpiya qo'mitasi Bosh kotibi Jasur Matchanov, Jismoniy tarbiya va sport vazirligi boshqarma boshlig'i Nazirjon Xudoyqulov, MOQ qoshida tashkil etilgan Jang sanati va yakkakurashlar departamenti direktori Sardor Toshxo'jaev, shuningdek, O'zbekistonda faoliyat olib borayotgan turli hil taekvondo associaciyalari rahbarlari ishtirok etishdi.

“Malumki, sportning ushbu turida faqatgina taekvondo WT olimpiya oilasiga kiritilgan bo'lib, biz bugun tashkil etayotgan yangi associaciya asosan Olimpiya va Osiyo o'yinlarida ishtirok etadigan terma jamoalarimiz uchun munosib nomzodlar etkazib berish bilan shug'ullanadi. Oddiygina misol, taekvondo WT bo'yicha jahon chempioni, Osiyoning ikki karra chempioni Dmitriy SHokin aslida ITF yo'nalishidan etishib chiqqan. Huddi shunday misolni terma jamoamiz bosh murabbiyi Akmal Ergashevga nisbatan ham qo'llasa bo'ladi. Yoki bo'lmasa dunyo boksining yorqin yulduzi, Olimpiya o'yinlari chempioni Hasanboy Do'smatovni olaylik, Hasanboy dastlab kikboksing  bilan shug'ullangan. Ammo yuqorida sanab o'tilgan sportchilarning barchasini etuk selekcioner murabbiylar o'z vaqtida olimpiya sport turlariga jalb eta olishgan. Natijalarni esa barchamiz ko'rib turibmiz. Yangi tashkil etilayotgan associaciya birinchi navbatda tarkibda sog'lom raqobatni keltirib chiqarishi, olimpiya sport turlariga munosib nomzodlarini etkazib berishi kerak bo'ladi. Eng muhimi qilayotgan ishimizni hamjihatlik bilan, birgalikda amalga oshirishimiz lozim”, - dedi bu borada Jasur Matchanov.

Yig'ilish davomida associaciyalar rahbarlari yangi tashkil etilayotgan va o'z ichiga to'rtta mustaqil taekvondo federaciyalarini olgan taekvondo associaciyasiga ochiq ovoz berish yo'li bilan rais saylashdi. Unda ishtirok etgan mutasaddilarning aksariyati G'ayrat Tashkenbekovich Kasimov  nomzodida to'xtaldilar. Yakunda aynan ushbu mutaxassis O'zbekiston taekvondo ITF associaciyasiga rais etib saylandi.  

“Menga bildirilgan ishonch uchun hammaga katta rahmat. Oldimizga qo'yilgan vazifalarni bajarish uchun qo'limdan kelgan barcha ishni amalga oshirishga harakat qilaman”, - dedi G'ayrat Kasimov.

Takidlash lozimki, bu noolimpiya sport turlari bo'yicha federaciyalarni birlashtirish bo'yicha MOQ qoshidagi Jang sanati va yakkakurashlar departamenti tomonidan tashlangan dastlabki qadam bo'ldi. Yaqin orada karate, milliy kurashlarimiz va yakkakurashlar bo'yicha faoliyat yuritayotgan federaciyalar ham birlashtiriladi. Maqsad esa bu borada mukammal tizim yaratish, federaciyalar faoliyatini jiddiy nazorat ostiga olish, o'zboshimchalikka yo'l qo'ymaslik va hamjihatlikda ishlashni taminlashdan iboratdir.