“Barkamol avlod-2017”. Ilk medallar suzish sporti ustalarida

“So'g'diyona” universal sport majmuasida “Barkamol avlod-2017” saralash bosqichlaridan muvaffaqiyatli o'tgan eng sara sportchilar brass, chalqancha, batterflyay, erkin hamda aralash estafeta usullarida suzish bo'yicha o'zaro kuch sinashdilar.

Qizlar o'rtasida 50 metrga batterflyay usulda suzish bahslarida qashqadaryolik Fotima Amilova marra chizig'ini birinchi bo'lib kesib o'tib, oltin medal sohibi bo'ldi. SHu masofaga o'smirlar o'rtasidagi musobaqada andijonlik Zufar Abdulazizov birinchi o'rinni egalladi.

O'smirlar va qizlar o'rtasida 50 metrga chalqancha usulda suzish bahslarida poytaxtlik sportchilar Aleksey Tarasenko va Irina Ushakova shohsupaning yuqori pog'onasidan joy oldi.

100 metrga batterflyay usulda suzishda qizlar o'rtasida qoraqalpog'istonlik Marjina O'razimbetova, o'smirlar bahsida poytaxtlik Artyom Kozlyuk eng yaxshi natija qayd etdi.

Qizlar o'rtasida 200 metrga erkin usulda suzish bahslarida andijonlik SHahnoza Sodiqova, o'smirlar o'rtasida Navoiy viloyati vakili Olimjon Odilov g'olib chiqdi. Qizlar o'rtasida aralash estafeta musobaqasida Qashqadaryo viloyati, o'g'il bolalar o'rtasida Toshkent shahri jamoasi birinchi o'rinni qo'lga kiritdi.

Suzish bo'yicha musobaqalarning birinchi kuni natijalariga ko'ra, eng ko'p ochko jamg'argan Toshkent shahri jamoasi birinchi, andijonlik yoshlar ikkinchi, kashqadaryolik sportchilar uchunchi o'rinni egallashdi.