Bellator 301: SHabliy Gran-pri finalida, Jekson chempion Amosovni nokautga uchratdi va boshqa natijalar!

Oqshomning asosiy jangi kutilmagan natija bilan yakunlandi. Yarim o'rta vazn toifasida Bellator chempioni, ukrainalik Yaroslav Amosov o'z kamarini muvaffaqiyatli himoya qila olmadi. U yamaykalik Jeyson Jeksonga qarshi jangda nokautga uchradi. Jekson uchinchi raundning 2-daqiqasi 8-soniyasi o'tib borayotgan bir pallada chap qo'l yondan, o'ng qo'lda to'g'ridan bergan zarbalari evaziga muvozanatdan chiqardi, parterda esa hujumini muvaffaqiyatli yakunladi. 

SHu tariqa, Amosovning 27 g'alabadan iborat seriyasi yakuniga etdi. Yaroslav jangni parterga o'tkazishga urindi, Jekson esa "stoyka"da yaxshi harakat qildi. 

Oqshomning co-main event jangida amerikalik Patrik Miks ikkinchi raundda hamyurti Serjio Pettisni bo'g'ish usuli bilan mag'lubiyatga uchratdi va amaldagi hamda vaqtinchalik Bellator chempionlik kamarlarini o'z qo'lida birlashtirdi. 

Asosiy kardni ochib bergan jangda engil vazn toifasi Bellator Gran-prisining finalchisi aniqlandi. Unda Aleksandr SHabliy va Patriki Freyre o'zaro oktagonda to'qnash kelishdi. Besh raund to'liq davom etgan jangda rossiyalik aralash yakkakurash ustasi braziliyalik hamkasbini hakamlarning yakdil qarori (50-45, 50-45, 50-45) bilan taslim etdi va finalga yo'l oldi.  

Qolgan natijalarga to'xtaladigan bo'lsak, rossiyalik Timur Xizriev Jastin Gonsalesni, Ramazan Kuramagomedov Rendall Uollesni, Islama Mamedov Killis Motani mag'lubiyatga uchratdi.