“Besh tashabbus paralimpiadasi” ommaviy sport musobaqasi finish nuqtasida

2022 yildan boshlab ilk marotaba mahallalardagi nogironligi bo'lgan yoshlar o'rtasida “Besh tashabbus paralimpiadasi” ommaviy sport musobaqalarini o'tkazish joriy etildi. 

O'tgan yili ikki bosqichda tashkil etilgan mazkur sport musobaqalarida 6 mingga yaqin yoshlar qamrab olindi. Joriy yilning 1-mavsumida start olgan “Besh tashabbus paralimpiadasi” sport musobaqalari uch bosqichda, yani tuman (shahar) bosqichi, Qoraqalpog'iston Respublikasi viloyatlar va Toshkent shahar hududiy saralash bosqichi hamda uchinchi respublika final bosqichi shaklida tashkil etilmoqda.

Mazkur musobaqalarda ishtirok istagini bildirgan 34 mingdan ortiq mahallalardagi nogironligi bo'lgan yoshlar ro'yxatga olindi.

Musobaqalar 5 ta para sport turlaridan, para engil atletikaning yadro uloqtirish (nanizm past bo'yliklar), qisqa 60-100 metr masofafaga (orqa miya falaji va umurtqa pog'onasi shikastlanganlar “DCP”) va uzoq 200-300 metr masofaga (qo'l amputaciyasi bo'lganlar) yugurish, para stol tennisi, para shaxmat, para shashka, para kibersport turlaridan bo'lib o'tdi.

Respublika final bosqichida jami 196 nafar sportchi-yoshlar, jumladan, para engil atletikadan 6 nafar (3 erkak, 3 ayol), para stol tennisidan 2 nafar (bir erkak va bir ayol), para shaxmatdan 2 nafar (bir erkak va bir ayol), par shashkadan 2 nafar (bir erkak va bir ayol) va para kiber sportdan 2 nafar (bir erkak va bir ayol) bir huddud jamoasidan esa 14 nafar (7 nafari xotin-qizlar) ishtirok etishi belgilangan.

Ishtirokchilar Respublika Olimpiya va Paralimpiya sport turlariga tayyorlash markazi arenalarida para engil atletika, para shaxmat, para shashka hamda para stol tennisi bo'yicha, Cyberium.uz kiber arenasida esa para kibersport bo'yicha o'zaro bahs olib borishmoqda.