Birinchi MDH o'yinlaridagi natijamiz qanday bo'lgandi?

Etiborga molik jihati shundaki, MDH o'yinlari bir vaqtning o'zida Belarusning 11 shahri - Minks, Brest, Vitebsk, Gomel, Grodno, Mogilev, Borisov, Soligorsk, Molodechno, Orsha va Jlobinda tashkil etilyapti. O'z tarixida ikkinchi bor o'tkazilayotgan musobaqada 22 davlatdan jami 2200 nafar sportchi medallar yo'lida bahslarga kirishgan. Ular orasida O'zbekiston terma jamoasining 326 nafar sportchisi yurtimiz sharafini himoya qiladi.

Qiziq holat, musobaqaning o'z sarhadlaridan chiqib, geografiyasi yaxshigina kengayganiga guvoh bo'lishimiz mumkin. MDHga azo mamlakatlardan tashqari Buyuk Britaniya, Venesuela, Vetnam, O'mon, Quvayt, Malayziya, Bahrayn, Mo'g'uliston, Pokiston, BAA, Livan, Kuba, Eron va Misr sport delegaciyalari Belarus mezbonlik qilayotgan O'yinlarda ishtirok etadi.     

Taqqoslaydigan bo'lsak, 2021 yilning 4-11 sentyabr kunlari Qozon shahrida bo'lib o'tgan MDH o'yinlarida Ozarbayjon, Armaniston, Belarus, Qozog'iston, Qirg'iziston, Moldova, Rossiya, Tojikiston va O'zbekistondan 1000 nafardan ortiq sportchi ishtirok etgan edi. O'shanda ishtirokchilar sportning 16 turi bo'yicha 181 ta medallar jamlanmasi uchun o'zaro musobaqalashgandi. Sportchilarning yoshi 14dan 23gacha bo'lishi qatiy belgilab qo'yilgan edi.

Birinchi MDH o'yinlarida O'zbekiston delegaciyasi tarkibidagi sportchilar 168 nafarni tashkil qilib, vakillarimiz 18 ta sport turida bahslarda ishtirok etishgandi. Yakunda O'zbekiston terma jamoasi 91 ta (23 ta oltin, 32 ta kumush, 36 ta bronza) medal bilan umumjamoa hisobida Rossiyadan so'ng ikkinchi o'rinni band etgandi. 

Medallar jamlanmasi bo'yicha to'liq reyting esa quyidagicha ko'rinish olgandi: