Birozdan so'ng Abduraimova ishtirokidagi uchrashuv boshlanadi

Mukofot jamg'armasi 100 000 AQSH dollarini tashkil etuvchi ushbu turnirda hamyurtimiz Nigina Abduraimova ham muvaffaqiyatli start olgan edi. Mamlakatimizning birinchi raketkasi ilk davrada germaniyalik tajribali tennischi Sabin Lisicki 6/3, 6/4 hisobida mag'lubiyatga uchratgandi. Sabin faoliyati davomida ikki bor (biri yakkalikda, ikkinchisi juftlikda) "Katta Dubulg'a" turkumiga kiruvchi Uimbldon turniri vice-chempioniga aylangan, 8 ta WTA turnirida bosh sovrinni qo'lga kiritgan edi. 

Birozdan so'ng Nigina 1/8 final bosqich uchrashuvida rossiyalik Ekaterina Makarovaga qarshi kortga chiqadi. Ushbu bahs bizning vaqt bilan soat 11:30da boshlanadi. Katya birinchi davrada bolgariyalik Gergana Topalova (reytingdagi o'rni 243)dan 6/0, 7/6(4) hisobida ustun kelgandi.

Taqqoslash uchun, Abduraimova WTA reytingida 245, Makarova esa 188-o'rinni egallab turibdi. Bu tennischilarning o'zaro o'tkazadigan ikkinchi uchrashuvi bo'ladi. Nigina o'tgan yilning 22 iyun kuni Berlinda o'tkazilgan bahsda Ekaterina Makarovani uch set natijasiga ko'ra mag'lubiyatga uchratgan edi.