31 dek 09:34
Yangiliklar

Boks/MMA

Bivol Artur Beterbievga qarshi jang shartnomasini imzoladi

Nihoyat, yarimog'ir vazn toifasi mutlaq jahon chempionligi uchun uzoq kutilayotgan jang o'tkaziladigan ko'rinadi.

Rossiyalik chempionlar Dmitriy Bivol va Artur Beterbiev o'zaro jangda ushbu vaznning eng kuchli bokschisi kim degan savolga javob berish uchun ringga ko'tariladilar. WBA va IBO yo'nalishlari chempioni Dmitriy Bivol WBC, IBF hamda WBO kamarlari sohibi Artur Beterbievga qarshi jang shartnomasiga imzo chekkan.

Ushbu birlashtiruvchi chempionlik jangi Artur Beterbiev 13 yanvar kuni britaniyalik Kallum Smitni mag'lub etsagina elon qilinadi. Keyin Qirol Arturning o'zi ham mutlaq jahon chempionligi jangi shartnomasiga o'z imzosini qo'yishi kerak.

Malumot uchun, bir hafta avval Dmitriy Bivol Saudiya Arabistonining Ar-Riyod shahrida britaniyalik Lindon Arturni hakamlarning yakdil qarori bilan mag'lubiyatga uchratgandi. Bivol WBA kamarini himoya qilish barobarida raqibining IBO kamarini ham tortib olgan edi.