Boks. Osiyo chempionati sovrindorlari tantanali ravishda kutib olindi

Ushbu musobaqada o'zbekistonlik yosh charm qo'lqop ustalari 1ta oltin, 4ta kumush va 3ta bronza medallarini qo'lga kiritishdi.

Qita birinchiligida muvaffaqiyatli ishtirok etgan sportchilarimiz kecha kechqurun Islom Karimov nomidagi Toshkent xalqaro aeroportida tantanali ravishda kutib olindi. Marosimda O'zbekiston Milliy olimpiya qo'mitasi hamda mamlakat boks federaciyasi mutasaddilari, sportchilarning yaqinlari, Respublika olimpiya zaxiralari sport kollejida tahsil olayotgan yosh bokschilar hamda ommaviy axborot vositalari hodimlari ishtirok etishdi.

Musobaqada sovrindor bo'lgan sportchilarimiz ro'xatini yana bir marotaba etiboringizga havola etamiz:

Oltin:

-56kg: Abdumalik Xalakov

Kumush:

-52kg: Samandar Xolmurodov

-81kg: Timur Merjanov

-91kg: Javohir Tog'aymurodov

+91kg: Jamshidbek Mahmadaliev

Bronza:

-69kg: Jahongir Rahmonov

-75kg: Navo Tamazov.

Qizlar:

-60kg: Mahliyo Rahimova

Eslatib o'tamiz, musobaqada oltin medal sohibiga aylangan Abdumalik Xalakov oktyabr oyida bo'lib o'tadigan III yozgi o'smirlar Olimpiya o'yinlarida ishtirok etish huquqini qo'lga kiritgan.