22 iyu 05:33
Yangiliklar

Boks/MMA

Boom! Jangi bekor bo'lgan Zubayra Tuxugov UFC 280 kardidan o'rin oladi

Rossiyalik taniqli MMA ustasi Zubayra Tuxugov UFC 280 turnirida jang qilish uchun shartnoma olgan.

Bu haqda Xabib Nurmagomedov xabar berdi.

"Jangga shartnoma olindi, UFC 280, Abu-Dabi, 22 oktyabr!", - deb yozgan Xabib ijtimoiy tarmoqdagi sahifasiga Zubayraning suratini joylagan holda.

Malumotlarga qaraganda, Zubayraga Lukas Almeyda raqiblik qilishi kutilmoqda. Lukas UFC'da hozircha bitta jang o'tkazib, g'alabaga erishgan. Yagona bo'lib turgan jang 5 iyun kuni Maykl Trizanoga qarshi o'tkazilgan edi.

Eslatib o'tamiz, Zubayra Tuxugov so'nggi bor 2021 yilning 30 oktyabrida Rikardo Ramosga qarshi jang qilgan edi.

Aslida, Zubayra 6 avgust kuni Neyt Landverga qarshi jang qilishi kerak edi, biroq jang Zubayraning AQSHga viza ola olmagani tufayli bekor bo'ldi.