Bosh prokuratura Nafasovning jinoiy ishi yuzasidan bayonot berdi

23.01.2019 yilda O'zbekiston Milliy Olimpiya qo'mitasining rasmiy saytida «Nurxon Nafasovning kirdikorlari fosh bo'ldi» nomli xabar chop etildi.

Mazkur xabar bo'yicha Bosh prokuratura matbuot xizmati shuni qatiyan malum qiladiki, qo'zg'atilgan jinoyat ishlari va olib borilayotgan tergov harakatlari yuzasidan rasmiy malumotlar faqatgina bu borada mutasaddi tergov va nazorat qiluvchi organlar tomonidan beriladi.

SHuningdek, takidlash zarurki, dastlabki tergovning holatlari va unga jalb qilingan shaxslar haqida keng jamoatchilikka turli talqindagi xabarlarni tarqatish O'zbekiston Respublikasi Konstituciyasining 26-moddasida belgilangan aybsizlik prezumpciyasi qoidalariga zid va bunday holatlar o'zgalarning shani va qadr-qimmatiga putur etkazishi mumkin.

O'zbekiston Milliy Olimpiya qo'mitasining rasmiy saytida elon qilingan holat bo'yicha Bosh prokuratura matbuot xizmati quyidagilarni rasman malum qiladi.

Toshkent shahar prokuraturasi tomonidan O'zbekiston karate milliy Federaciyasining qator mansabdor shaxslariga nisbatan qo'zg'atilgan jinoyat ishi bo'yicha tergov harakatlari olib borilmoqda.

Hozirda mazkur jinoyat ishi yuzasidan aniqlangan holatlar bo'yicha biror-bir shaxs, xususan N.Nafasov gumonlanuvchi yoki ayblanuvchi tariqasida ishda ishtirok etishga jalb qilinmagan.