Botir Ahmedov bugungi jangi oldidan: "Ko'pchilik men bilan jang qilishni xohlamadi"

Bugungi oqshomda ringga chiqadigan hamyurtlarimizdan biri Botir Ahmedov jangdan oldingi fikrlari bilan o'rtoqlashdi. Ahmedov bugun o'zbekistonlik boshqa bir bokschi - Muhammadsalim Sotvoldiev bilan jang qiladi.

"Men mag'lubiyatlardan keyin qaytishim kerak, garchi o'zimni mag'lubiyatga uchraganman, deb hisoblamasam ham. Bu "mag'lubiyatlarni" hamma ko'rdi. Albatta, MDH mamlakatlari bokschilari uchun xorijda, xususan AQSHda jang o'tkazish qiyin, biroq tomoshabinlar menga katta kuch bag'ishladi", — dedi Ahmedov AQSHdagi avvalgi mag'lubiyati haqida. 

"Ular haqiqatan ham meni uzoq olqishlashdi, rahmat aytishdi va men bilan suratga tushishdi. Jurnalistlar jangdan keyin intervyu olishdi. Meni "yutgan" bokschi esa yuzi shishib o'tirib, kasalxonaga olib ketilishini kutdi. Bu "g'alaba" degani.

"Bo'lajak raqibimga kelsak, u juda yaxshi bokschi. Sotvoldiev xavf tug'diradi, u jang qilishni yaxshi ko'radi va doimo oldinga intiladi. Biz rejaga sodiq qolamiz va o'z vaqtimizni kutamiz. Sotvoldievdan tashqari raqiblik uchun yana bir qancha variantlar bor edi, lekin ular men bilan jangda azob chekishi mumkin bo'lgan rekordlari uchun qo'rqib, rad etishdi. SHuning uchun Muhammadsalimga jangni qabul qilgani uchun minnatdorchilik bildiraman", - dedi Ahmedov.

Malumot uchun, Sochidagi boks oqshomida Botir Ahmedov va Muhammadsalim Sotvoldievdan tashqari, Hasanboy Do'smatov hamda Fazliddin G'oibnazarov ham ringga ko'tariladi.