Breaking! Jeyk Pol - Jervonta Devis jangi bekor qilindi

Bu haqda Jeyk Polning Most Valuable Promotions promouterlik kompaniyasi hamda Turki Al Ash-SHeyxga tegishli dunyoga mashhur The Ring nashri xabar berdi. Xabarda Jeyk Pol ishtirokidagi boshqa jangning yil oxirigacha Netflix platformasida o'tkazilishi aytilmoqda.

"Jamoamiz vaziyatni masuliyat ila hal qilish uchun barcha ishtirokchilar bilan yaqindan ishladi, - dedi Most Valuable Promotions direktori Nakisa Bidaryan. - Biz bu shouni 14 noyabrda o'tkazmaymiz, lekin rejalarimizda 2025 yilning o'zida Netflix’da Jeyk Pol ishtirokidagi boks oqshomini o'tkazish bor". 

"Yangi sana, arena, Jeykning raqibi va anderkard janglari haqidagi malumotlar kelishuvga erishilgach elon qilinadi", - deya qo'shimcha qildi Bidaryan.

O'tgan haftada Jervonta Devis Kortni Rosselning sobiq dugonasi unga nisbatan o'g'irlash, zo'rlik bilan ozodlikdan mahrum qilish, kaltaklash va ruhiy azob berishda ayblanib, fuqarolik davosini qo'zg'atdi. Bu Devisning sobiq dugonalari tomonidan zo'ravonlik bo'yicha birinchi ayblov emas. Bundan tashqari, bokschi o'tgan yili jabrlanganlar bilan yo'l-transport hodisasi sodir etgani uchun sudlangan va hozirda sinov muddatini o'tamoqda.

Jeyk Pol va Jervonta Devis o'rtasidagi ko'rgazmali jang 14 noyabr kuni Floridada Netflix striming plaftormasida namoyish etilishi rejalashtirilgan edi.