Jeyk Pol MMAda debyut qiladi

"Men buni uzoq vaqtdan beri amalga oshirishga harakat qilyapman, ammo shu paytgacha hammasi parda ortidagi muzokaralarga borib taqalardi. Umid qilamanki, bu yil yana boks ringiga chiqaman, 2027 yilda esa MMA qoidalari bo'yicha jang o'tkazaman", — dedi Most Valuable Promotions rahbari MMA Fighting nashriga bergan intervyusida.

SHu bilan birga, Pol MMA jangiga tayyorgarlik boks qoidalari bo'yicha tayyorgarlikdan qanchalik farq qilishini hali to'liq tasavvur qila olmasligini tan oldi.

"Buning ironiyasi shundaki, men hali birorta ham to'liq MMA mashg'ulotini o'tkazmaganman. Menda kurash bazasi bor — maktabda kurash bilan shug'ullanganman va Oxayo shtatining birinchi divizioni darajasida qatnashganman, lekin menda hech qachon "bugun biz aynan MMA mashg'ulotini o'tkazamiz" degan holat bo'lmagan.

O'ylaymanki, umuman olganda, hammasi boksga o'xshaydi: juda intensiv, jiddiy yuklamalarga chidash kerak, doimiy ravishda kardio ustida ishlash va kuniga ikki marta mashg'ulot o'tkazish talab etiladi. Tiklanish jarayoni ham o'xshash bo'lsa kerak. Ammo men boks, kikboksing, jiu-jitsu va kurash mashg'ulotlarini alohida-alohida bo'lishimga to'g'ri keladi, bunday tajribam esa hali yo'q", — deb tushuntirdi amerikalik sportchi.

SHuningdek, Pol MVP va PFL birlashuvi birlashgan tashkilotning UFC`ga haqiqiy raqobatchi bo'lishiga imkon berishiga shubha qilmaydi.

"O'ylaymanki, endi bizda yakkakurashlar olamida noyob tashkilot bor, u yanada rivojlanish uchun ko'proq investiciyalarga ega bo'ldi. Biz allaqachon rekordlar o'rnatdik: AQSH tarixidagi eng ko'p tomosha qilingan MMA turniri, eng ko'p tomosha qilingan boks turniri. Endi esa bizga PFL rosteri qo'shildi.

Agar ikkala tashkilotni birlashtirsak, taxminan 400 nafar jangchi va rivojlanish uchun yanada kuchli infratuzilma hosil bo'ladi. Aynan shuning uchun bu erda "1+1=3" principi ishlaydi. Biz bozorni o'zgartirish, jangchilarga katta auditoriya va yuqori gonorarlar taqdim etish, shuningdek, UFC bilan bevosita raqobatlashish uchun PFL bilan birlashishga qaror qildik", — deya xulosa qildi Most Valuable Promotions asoschisi.

Malumot uchun, Jeyk Pol oxirgi marta o'tgan yilning dekabr oyida ringga chiqqan va superog'ir vazn toifasida sobiq jahon chempioni Entoni Joshuaga oltinchi raundda nokaut bilan mag'lub bo'lgandi. Joshua o'sha jangdagi oxirgi zarbasi bilan Polning jag'ini ikki joyidan sindirib qo'ygandi.