Brendan Allen bugungi g'alabasidan keyin CHimaev va Dyu Plessiga "vyzov" tashladi

Reytingda to'qqizinchi o'rinni egallab turgan Allen bugungi ishonchli g'alabasidan so'ng, o'rta vazn toifasida UFC chempioni Xamzat CHimaev yoki ushbu vaznning sobiq chempioni Drikus Dyu Plessi bilan jang qilishga tayyorligini aytdi.

Ridder bugungi jangga UFC’dagi to'rtta jangdan iborat g'alabali seriya bilan chiqqandi. Aynan u chempionlik kamari uchun asosiy davogar sifatida etirof etilayotgandi. Ammo Allen ikkinchi raundda tashabbusni o'z qo'liga oldi va g'alabani o'z tomoniga og'dirdi. Niderlandiyalik 35 yoshli Ridder so'nggi beshinchi raundga chiqmadi. 

"Uch yarim haftalik mashg'ulot, buni divandan turib qildim, - dedi Ridderga qarshi jangdan bosh tortgan Entoni Ernandesning o'rnini egallagan Allen. - Uch yarim hafta... Boshqalardan farq qilishimni aytgandim. Xotirjam bo'lsam va etiborimni to'liq jangga qaratsam, men dunyodagi eng yaxshisiman". 

"CHimaev, sen yaxshi grepplerni raqib sifatida ko'rmoqchimisan? Yosh va och jangchini xohlaysanmi? Kel va urinib ko'r, - dedi Allen avgust oyida chempionlikni qo'lga kiritgan va tez orada birinchi chempionlik himoyasini o'tkazadigan CHimaevga. - Bo'lmasa, Drikus, sen qaerdasan? Sen bilan ham jang qilmoqchiman".