Bugun Abduraimova Franciyada dunyoning 50-raketkasiga qarshi kortga chiqadi

Mukofot jamg'armasi 125 ming dollarni tashkil etuvchi ushbu musobaqada hamyurtimiz Nigina Abduraimova ham muvaffaqiyatli start olgan edi. Kecha mamlakatimizning birinchi raketkasi ilk davrada shveycariyalik Syuzan Bandechchini 6:4, 3:1 hisobida mag'lub etgan edi. Syuzan ikkinchi setning to'rtinchi geymidan keyin bahsni davom ettira olmasligini malum qilgandi. 

Bugun Abduraimovani musobaqaning 1/8 final uchrashuvida jiddiy sinov kutib turibdi. U dunyoning roppa-rosa 50-raketkasi, rossiyalik Anna Blinkovaga qarshi kortga chiqadi. Blinkova Limoj turnirining ilk bosqichida WTA reytingida 514-pog'onada borayotgan ukrainalik Veronika Podrezdan 6/3, 6/1 hisobida ustun kelgandi. 

Taqqoslash uchun, Nigina Abduraimova WTA reytingida 221-pog'onadan joy olgan. Abduraimova - Blinkova uchrashuvi bugun bizning vaqt bilan soat 19:00da boshlanadi. Bu tennischilarning o'zaro ilk uchrashuvi bo'ladi.