Bugun Abu Dabi "Katta Dubulg'a" turnirida 5 dzyudochimiz tatamiga chiqadi

Bugun musobaqada o'rta vazn toifasi vakillari medallar hamda Parij-2024 Olimpiadasi yo'lidagi qimmatli reyting ochkolari uchun tatamiga chiqadi. Ular orasida O'zbekiston terma jamoasining 5 nafar dzyudochisi yurtimiz sport sharafini himoya qiladi. 

Bugun tatamiga chiqadigan dzyudochilarimiz uchun qura natijalari:

-73 kg: Obidxon Nomonov - Garsiya Kano (Ispaniya)/Benjamin Gaba (Franciya)

-73 kg: SHahram Ahadov - Giorgi Axalauri (Gruziya)/Diogo Sezar (Gvineya Bissau)

-81 kg: Nurbek Murtazoev - Valentin Xouinato (Benin) 

-81 kg: Muso Sobirov - Alfonso Solano (Ispaniya)/Katalin Maryan (Moldova)

-70 kg: SHohista Nazarova - Aleksandra Samarjich (Bosniya va Gercegoviniya)

Eslatib o'tamiz, kecha -66 kg vazn toifasida kurashgan Muhriddin Tilovov kumush medal hamda 700 reyting ochkosini qo'lga kiritgan edi. Hozircha O'zbekiston umumjamoa hisobida 7-o'rinni egallab turibdi.