Bugun Toshkentda prof kikboks bo'yicha turnir o'tkaziladi + FOTOGALEREYA

Dastlabki ikki kun havaskorlar o'rtasidagi bir-biridan qiziqarli janglar tashkil etildi. Bugun esa avvaliga havaskorlar o'rtasidagi ushbu janglarning final bellashuvlari o'tkaziladi, keyin esa professionallarga navbat beriladi. 

Kecha kechqurun bugungi prof kikboks janglari oldidan "International" mehmonxonasida rasmiy tarozidan o'tish va ko'z urishtirish marosimi hamda ommaviy axborot vositalari xodimlari uchun matbuot anjumani o'tkazildi. Barcha to'rt juftlik jangchilari belgilangan vazn meyorini bajarishdi. Birgina Temurbek Xolmatovning misrlik raqibi Abdulloh Mando Toshkentga belgilangan vaqtda etib kela olmadi. Reysdagi kechikish sabab u kecha yarim tunda poytaxtimizga etib kelgan. 

Bugungi prof jang juftliklari:

Guljahon Normatova (O'zbekiston) - Mariya Belkina (Ukraina)  

Temurbek Xolmatov (O'zbekiston) - Abdulloh Mando (Misr)

Husanxon Baratov (O'zbekiston) - Mehmet O'zer (Turkiya)

Murodbek Azimov (O'zbekiston) - Ivan Bertich (Xorvatiya)

Matbuot anjumanida O'zbekiston Kikboksing federaciyasi raisi Oybek Narmetov WAKO tashkiloti bilan hamkorlikda o'tkazilayotgan ushbu xalqaro turnirning tashkiliy jihatlariga atroflicha to'xtalib o'tdi. Jangchilar esa faqat g'alaba uchun ringga chiqishlarini malum qilishdi.

Malumot uchun, bugungi professional kikboksing oqshomi poytaxtimizdagi "Yunusobod" sport majmuasida soat 18:00da boshlanadi.