CHimaevning murabbiyi Xabibning tanqidiga chiroyli "otvet" qildi

"Hurmatli Xabib, musulmon birodarim! Avvalo shuni aytmoqchimanki, sizni sportchi sifatida va sevimli sportimizdagi barcha yutuqlaringiz uchun juda hurmat qilaman. Barcha intervyu va chiqishlarda dinimizni, etiqodimizni, Allohni eslashingizdan juda faxrlanaman. Lekin Xamzatning atrofida musulmonlardan iborat jamoa yo'qligi va go'yo shu sabab uning vazn qila olmaganiga izoh bermoqchiman.

Bu erda sizning fikringizga qo'shilmayman. Birinchi kundan boshlab Xamzatning oldida nafaqat men kabi musulmon do'stlari, jamoadoshlari, balki boshqa din va jamiyat vakillari ham bor edi. Ular boshidanoq u bilan birga bo'lgan, unga mehr ko'rsatgan, qayg'u va quvonchini birga baham ko'rgan. Ular Xamzatni hozirgi darajaga etishi uchun ko'p narsa qilgan.

Musulmon bo'lish mukammal va benuqson bo'lish degani emas. Menga ishoning, hayotimda ko'p xato qildim, siz ham. SHuning uchun musulmonlardan iborat jamoa bo'lish sizni komil inson qiladi degan fikrga qo'shilmayman. Qaysi etiqod yoki din bo'lishidan qatiy nazar, yaxshi va og'ir damlarda sizga g'amxo'rlik qiladigan jamoaga ega bo'lish muhimroq. Bunday jamoa Xamzatda bor.

Xamzat vazn qila olmaganiga bir qancha sabablar bor va ular jamoaning ichida qoladi. U hali yosh va xatolaridan saboq oladi. Agar sizdek katta nomga ega chempion shu kabi xatolardan saboq olgan bo'lsa, Xamzat ham bunga bardosh berishiga shubham yo'q", — deb yozadi Madadi ijtimoiy tarmoqlarda.

Eslatib o'tamiz, engil vaznda sobiq UFC chempioni Xabib Nurmagomedov Xamzat CHimaevning rasmiy tarozi marosimidagi chiqishini tanqid ostiga olgandi.

SHveciyalik aralash yakkakurash ustasi UFC 279 turnirining rasmiy tarozidan o'tish marosimida belgilangan vazn meyorini bajara olmagani etmagandek, sahnadan turib muxlislarga turli nomaqbul harakatlarni qilgan edi. 

"Agar sen musulmon bo'lsang, atrofingga iymon va diyonatli kishilarni jamlashing kerak. Zero, aynan ular seni nima mumkin va nima mumkin emasligini aytib, to'g'ri yo'lga boshlaydi. Men Xamzat CHimaevning rasmiy tarozi marosimidagi chiqishini ko'rdim. Afsuski, uning jamoasida musulmon kishisi yo'q. Bu esa juda yomon va xunuk holat. Yaratganni tanigan inson yo'qligidan shunday ko'ngilsiz holatlar yuzaga keladi", - degandi Nurmagomedov.