CHusovitina Kotbucdagi Jahon kubogida ishtirok etdi

Ushbu nufuzli musobaqada afsonaviy sportchimiz, ettita Olimpiadada ishtirok etgan yagona atlet Oksana CHusovitina ham o'z mahoratini namoyish etdi. Hamyurtimiz final bosqichida 14,279 ball bilan beshinchi o'rinni egalladi. 

Qizig'i shundaki, u saralash bahslarida 14,416 ball bilan uchinchi bo'lgandi. Bronza medaliga ega chiqqan Dipa esa bor yo'g'i oltinchi pog'onadan joy olgandi. Beshinchi natija ham 43 yoshli Oksana CHusovitina uchun yomon natija emas.  

Etiborlisi, to'rtinchi pog'onadan joy olgan meksikalik Aleksa Moreno 14,279 ham CHusovitina bilan bir xilda ball to'pladi. Oksana yaqinda Qatarda o'tgan jahon chempionatida to'rtinchi o'rinni band etgan edi. 

Braziliyalik Rebeka Andrade 14,728 ball bilan oltin medal sohibasiga aylandi. Kumush va bronza medallar mos ravishda AQSH vakilasi Jeyd Karey (14,516) hamda hindistonlik Dipa Karmakar (14,316)ga nasib etdi.