Cincinnati "Masters". Kasper Ruud 70-raketkaga yutqazib qo'ydi

Dunyoning ettinchi raketkasi Kasper Ruud kutilmaganda ilk uchrashuvidayoq mag'lubiyat alamini totib ko'rdi. O'z ishtirokini ikkinchi davradan boshlagan norvegiyalik tennischi reytingning 70-pog'onasida borayotgan avstraliyalik Maks Pyorsellga imkoniyatnni boy berib qo'ydi - 4/6, 6/3, 4/6.

Maks bu bilan tennischilarning o'zaro uchrashuvlaridagi hisob muvozanatini tikladi - 1:1. Ikki soatu 1 daqiqa davom etgan bahsda ikkala tennischi ham 12 tadan eys zarbasini amalga oshirgan. Endi Pyorsell Western & Southern Open turnirining 1/8 finalida shveycariyalik Sten Vavrinkaga qarshi kortga chiqadi.