Dana Uayt UFC`ni sotib olishdan oldin qanday qilib 380 000 dollar ishlab topganini aytib berdi

Tajribali aralash yakkakurashlar funkcioneri sport zallari va murabbiylik faoliyatidan yiliga taxminan 380 000 dollar daromad qilgani va o'sha davr uchun bu summa "juda yaxshi daromad" bo'lganini takidladi.

"Men Bostondan ketib, Vegasga keldim. U erda odamlarga murabbiylik qila boshladim, zallar ochdim. Ishlarim juda yaxshi ketayotgan edi. Zallarim bor edi, qo'shimchasiga jangchilarni ham shug'ullantirardim. Lekin menga siz kabi odamlar va uy bekalari bilan ishlash ko'proq yoqadi. Siz kelasiz, maqsadga intilasiz va pul to'laysiz. Jangchilar esa senga bir tiyin ham to'lamaydi. Menga jangchilarni shug'ullantirish yoqmaydi, lekin buni qo'shimcha ish sifatida qilardim.

Menda muvaffaqiyatli biznes bor edi. UFC`ni sotib olishdan oldingi oxirgi yilda men mashg'ulotlar va zallar orqali 380 000 dollar ishlab topdim. Qo'l ostimga bir-ikki kishini yolladim, lekin ishning asosiy qismini o'zim bajardim. Bu biznes bilan shug'ullangan har qanday odam biladiki, agar siz yarim million dollarga yaqin pul ishlayotgan bo'lsangiz, demak, ishlaringiz juda yaxshi", — deya Uaytning so'zlarini keltirib o'tadi "dank" X ijtimoiy tarmog'ida.