Devis Gomesdan revansh ololmadi. Kuba Olimpiadadagi oltin medallarning yarmini o'ziniki qildi

Biroz avval -63 kg vazn toifasida final jangi bo'lib o'tdi. Unda AQSH vakili Keyshon Devis kubalik Endi Krus Gomesga qrashi jang qildi. SHiddatli to'qnashuv yakuni 4:1 hisobida Gomesning g'alabasi bilan yakunlandi. -63 kgda Olimpiadaning yangi chempioni Endi Krus Gomes! SHu tariqa Kuba Tokio-2020 dagi to'rtinchi oltin medaliga ega chiqdi.

Bronza medallari Avstraliya vakili Garri Garsayd hamda armanistonlik Ovanes Bachkovga nasib qildi.

Bu vaznda yurtimiz sharafini Elnur Abduraimov himoya qilgandi. Bokschimiz chorak finalda armanistonlik Ovanes Bachkovga mag'lub bo'lib Tokiodagi sarguzashtini yakunlagan edi.