Dilshodbek Baratov jahon chempionati kumush medali sovrindori!

-60 kg vazn toifasida yurtimiz sharafini himoya qilgan Dilshodbek Baratov finalga qadar mag'lubiyatsiz etib kelib, faoliyatida ilk bor jahon chempionatining kumush medali sohibi hamda qimmatli 1400 reyting (Parij-2024 Olimpiadasi uchun 700) ochkosi egasi bo'ldi. 

U hal qiluvchi final bellashuvida ispaniyalik Francisko Garrigosga imkoniyatni boy berib qo'ydi. Garrigos 1/2 finalda yaponiyalik Olimpiada chempioni Takatoni chiroyli usul bilan mag'lub etgan edi. 

Malumot uchun, Baratov dastlab mo'g'ulistonlik Ariunbold Enxtayvindan Toshkentdagi jahon chempionati yarim finali, undan so'ng jahon chempioni, ikki karra Olimpiada sovrindori qozog'istonlik Eldos Smetovdan bronza medali uchun bahsdagi  mag'lubiyatlar uchun revansh oldi. CHorak finalda marokashlik Yones Saddiki, yarim finalda esa belgiyalik Yorre Verstraytendan ustun kelgandi.