Diyora Keldiyorova Parij Olimpiadasida oltin medalni qo'lga kiritdi (barcha natijalar)

O'zbek sportchilari unda quyidagicha natija qayd etishdi: 

Dzyudo, 66 kg: Sardor Nurillaev ilk bosqichda braziliyalik Uilyan Limaga imkoniyatni boy berdi.  

Dzyudo, 52 kg: Diyora Keldiyorova barcha raqibalarini mag'lubiyatga uchratib, oltin medalni qo'lga kiritdi.

Akademik eshkak eshish, engil vaznli juftlik. SHahzod Nurmatov/Sobir Safaraliev tandemi o'z guruhida beshinchi bo'lib keldi va finalga chiqa olmadi. 

Boks, 92 kg vaznli Lazizbek Mullojonov Italiya vakili Aziz Abbes Muxiddinni 4:1 hisobida mag'lubiyatga uchratib, chorak finalga yo'l oldi. 

Ushbu sahifa orqali o'zbekistonlik sportchilarning qayd etayotgan natijalaridan xabardor bo'lib turishingiz mumkin bo'ldi. 

SAHIFANI YANGILASH

21:45. OLTINNNN!!! -52 kg vaznli dzyudochimiz Diyora Keldiyorova finalda Kosovo vakilasi Distria Krasnichini mag'lubiyatga uchratdi va Olimpiada chempioniga aylandi!

20:27. Diyora Keldiyorova endi finalda Kosovo vakili Distria Krasnichiga qarshi bahs olib boradi. Kosovolik dzyudochi Tokio Olimpiadasida -48 kg vazn toifasida oltin medalni qo'lga kiritgandi. Uchrashuv taxminan 21:10 dan so'ng boshlanadi. 

20:16. Dzyudo. Diyora Keldiyorova yarim finalda franciyalik Amandin Busharga qarshi tatamiga chiqdi va g'alaba qozondi! FINAL!

19:56. -92 kg vaznli bokschimiz Lazizbek Mullojonov kelib chiqishi arab millatiga mansub, Italiya sharafini himoya qilayotgan Aziz Abbes Muxiddinga qarshi jang qildi va 4:1 hisobida g'alaba qozondi. 

19:25. Birozdan so'ng bokschimiz Lazizbek Mullojonov ringga ko'tariladi. SHuningdek Diyora Keldiyorova yarim finalda tatamiga ko'tariladi. 

15:45. Diyora Keldiyorova endi yarim finalda kechki dasturda franciyalik Amandin Busharga qarshi tatamiga chiqadi. Sportchimiz ishtirokidagi bahs taxminan 20:00dan so'ng boshlanadi.

15:32. Diyora Keldiyorova germaniyalik raqibasini mag'lubiyatga uchratdi! Raqibadagi uchta shido evaziga Diyora yarim finalga yo'l oldi!

15:15. Akademik eshkak eshish. SHahzod Nurmatov/Sobir Safaraliev tandemi saralashdagi ishtirokini yakunladi. Yigitlarimiz 5 ta terma jamoa ichida marraga 5-bo'lib etib kelishdi. Ular endi o'tish bahslarida qatnashishadi. Lekin baribir medallar uchun imkoniyat yo'qoldi.

14:30. Keldiyorova navbatdagi jangini germaniyalik raqibga qarshi o'tkazadi. Taxminan 15:15 dan so'ng boshlanadi. 

14:18. Sardor Nurillaev esa afsuski braziliyalik raqibiga mag'lub bo'ldi. 

14:15. DAHSHAT!!!! Diyora Keldiyorovada g'alaba! U Olimpiada va jahon chempioni Uta Abeni katta ustunlik evaziga mag'lubiyatga uchratdi! Ajoyib g'alaba!

14:00. Ikki dzyudochimizning chiqishi deyarli bir vaqtga to'g'ri kelib qolmoqda.

13:32. Dzyudochilarimizning chiqishigacha yana 4 tadan jang bor. Taxminan 15 daqiqalardan so'ng boshlanadi.  

13:10. -52 kg vazn toifasida kutilganidek Abe g'alaba qozondi. Endi u hamyurtimiz Diyora Keldiyorovaga qarshi bahs yuritadi. 

13:05. Dzyudo bahslari boshlandi. Bizning sportchilar taxminan 13:30 dan so'ng tatamiga chiqishadi. 

Bugun quyidagi sportchilarimiz bahslarda qatnashishadi: 

13:00 dan so'ng: Dzyudo, 66 kg: Sardor Nurillaev - Uilyan Lima (Braziliya), (1/16 final)

13:00 dan so'ng: Dzyudo, 52 kg: Diyora Keldiyorova - Yuta Abe (Yaponiya) va Kelli Deguchi (Kanada) bahsi g'olibiga qarshi, (nimchorak final)

15:00. Akademik eshkak eshish, engil vaznli juftlik. SHahzod Nurmatov, Sobir Safaraliev (saralash).

19:35. Boks, 92 kg. Lazizbek Mullojonov - Aziz Abbes Muxiddin (Italiya), (nimchorak final).