Donna Vekich Abierto GNP Seguros turniri g'olibasi

Hal qiluvchi final uchrashuvida WTA reytingida 31-pog'onada borayotgan xorvatiyalik Donna Vekich dunyoning 5-raketkasi, franciyalik Karolin Garsiyani mag'lub etishni uddaladi - 6/4, 3/6, 7/5.

Ikki soatu 31 daqiqa davom etgan bahsda Vekich 13, Garsiya esa 15 ta eys zarbasini amalga oshirgan. Tennischilarning o'zaro uchrashuvlaridagi hisob Vekich foydasiga bo'lib turibdi - 6:4. 

Donna Meksikada faoliyatidagi 4-sovrinini qo'lga kiritdi. Vekich bir haftalik mehnatidan 280 reyting ochko, 34,228 AQSH dollari ishlab oldi. Garsiya esa 180 ball hamda 20,226 dollarga ega chiqdi.