Dubai Duty Free Tennis Championships. Sobolenkoda alamli mag'lubiyat

Musobaqaning umumiy mukofot jamg'armasi 2 million 788 ming 468 dollarni tashkil etadi. G'olib 454 ming 500 dollar mukofot puli hamda 900 reyting ochkosini qo'lga kiritadi. CHempionlik uchun asosiy davogarlardan biri Arina Sobolenko 1/4 final uchrashuvida alamli mag'lubiyatni qabul qilib oldi. 

Dunyoning ikkinchi raqamli tennis malikasi 1 soatu 57 daqiqa davom etgan bahsda WTA reytingida 30-pog'onada borayotgan chexiyalik Barbora Kreychikovaga 6/0, 6/7(2), 1/6 hisobida imkoniyatni boy berdi. Barbora ilk bor nomdor raqibasini taslim eta oldi - 1:2. 

Statistikaga etibor qaratadigan bo'lsak, har ikki tennischi ham 5 tadan eys zarbasini ijro etgan. Qo'shxatolar Kreychikovada ko'proq bo'ldi 7-2 ko'rinishda. Birinchi setni 6/0 hisobida o'z foydasiga hal qilgan Arina ikkinchi setda ham 3/1 hisobi bilan oldinga chiqib olgandi. Ammo Kreychikova kambekni amalga oshirib, Arina Sobolenkoning 13 ta uchrashuvdan iborat g'alabali seriyasiga chek qo'ydi.