Dzyudo. Bugungi qurada saralangan dzyudochilarimiz qaysi guruhdan joy olishadi?

Ushbu marosimdan avval o'z vazn toifalarida jahon reytingida kuchli sakkizlikka kirgan sportchilar saralab olinadi va qura ularning atrofida shakllanadi. Terma jamoamiz vakillaridan Murodjon Yo'ldoshev (-73 kg), SHarofiddin Boltaboev (-81 kg), Davlat Bobonov (-90 kg), Diyora Keldiyorova (-52 kg) saralangan sportchilar qatoriga kirishdi. Ushbu maqolada sportchilarimiz quraning qaysi qismdan joy olishlari, qay bir etakchilar bilan bir guruhdan o'rin egallashi, ularning ehtimoliy raqiblari haqida fikr yuritamiz.

-73 kg:

"A" guruhi

Lasha SHavdatuashvili (Gruziya)

Nomalum raqib

Joivanni Esposito (Italiya)

Nomalum raqib

"V" guruhi

Toxar Butbul (Isroil)

Nomalum raqib

Rustam Orujev (Ozarbayjon)

Nomalum raqib

“S” guruhi

Hidayat Heydarov (Ozarbayjon)

Nomalum raqib

Soichi Xashimoto (Yaponiya)

Nomalum raqib

“D” guruhi

Sogbatar Send-Ochir (Mo'g'uliston)

Nomalum raqib

Murodjon Yo'ldoshev (O'zbekiston)

Nomalum raqib

Sakkizlikka kirmagan kuchli sportchilar: SHahram Ahadov (O'zbekiston), Manuel Lombardo (Italiya), Igor Vandtke (Germaniya), Bilal CHiloglu (Turkiya). Bu kabi sportchilar qurada qaysi guruhga qo'shilishidan qatiy nazar, vaziyat tubdan o'zgarib ketishi hech gap emas. Bu jahon chempionatida o'z nomi bilan raqiblarining yuragiga g'ulg'ula solib, musobaqa oldidan chempionlikni deyarli rasmiylashtirib qo'yadigan yaponiyalik SHoxei Ono yo'q. SHu bois chempionlik uchun yaqqol davogarni ko'rsatish qiyin.

-81 kg:

“A” guruhi

Tato Grigolashvili (Gruziya)

Nomalum raqib

Frank de Vit (Niderlandiya)

Nomalum raqib

“V” guruhi

Gulerme SHmidt (Braziliya)

Nomalum raqib

SHarofiddin Boltaboev (O'zbekiston)

Nomalum raqib

“S” guruhi

Mattias Kasse (Belgiya)

Nomalum raqib

Sami SHushi (Belgiya)

Nomalum raqib

“D” guruhi

Vedat Albayrak (Turkiya)

Nomalum raqib

Said Mullai (Ozarbayjon)

Nomalum raqib

Ko'pchilik mutaxassislar qura qanday o'tishidan qatiy nazar -66 kg va -81 kg vazn toifalarini murakkab va intrigalarga boy deya tariflamoqda. Haqiqatda ham shunday. Ushbu vaznda qayd etilgan ikki yapon dzyudochisi sakkizlikda yo'q va ular quraning qaysi qismidan joy olishmasin, har qaysi saralangan sportchini medallar uchun kurashdan erta chiqarib yuborishi hech gap emas.

Sakkizlikka kirmagan kuchli sportchilar: SHamil Borchalvishi (Avstriya), Sotaro Fujivara hamda Takanori Nagase (Yaponiya), Sagi Muki (Isroil), Junxvan Li (J.Koreya)

-90 kg:

“A” guruhi

Mammadali Mehdiev (Ozarbayjon)

Nomalum raqib

Erlan SHerov (Qirg'iziston)

Nomalum raqib

“V” guruhi

Kristian Tots (Vengriya)

Nomalum raqib

Luka Maisuradze (Gruziya)

Nomalum raqib

“S” guruhi

Davlat Bobonov (O'zbekiston)

Nomalum raqib

Lasha Bekauri (Gruziya)

Nomalum raqib

“D” guruhi

Ivan Morales (Kuba)

Nomalum raqib

Kamronshoh Ustapiriyon (Tojikiston)

Nomalum raqib

Ko'pchilik muxlislar finalda Bobonov va Bekauri juftligini taxmin qilayotgan edi. Lekin reyting asosida shakllantiriladigan qura ularni xuddi Tokio-2020 Olimpiadasidagidek chorak finalda yana ro'baro' qilishi mumkin. Umid qilamizki, bu gal Bobonov Tokiodagi vaziyat tasodif ekanini isbotlaydi.

Yaponlarning birinchi va ikkinchi raqamli vakili bo'lmaydi. Ularning bari teng kuchli. Garchi yosh Kosuke Mashiyama reytingda TOP dzyudochilar qatoriga kirmagan bo'lsa ham, undan har narsa kutish mumkin. U so'nggi bor 2021 yil noyabrda Bokuda o'tgan “Katta dubulg'a” turnirida g'alaba qozonganidan beri hech qaerda kurashgani yo'q. Kim bilsin, balki uni murabbiylari atayin ushbu musobaqaga tayyorlashayotgandir. SHuningdek, 2018 yilgi jahon chempioni Noel van 't End va Tokio-2020 finalchisi Trippelni ham esdan chiqarmaslik kerak.

Sakkizlikka kirmagan kuchli sportchilar: Noel van 't End (Niderlandiya), Eduard Trippel (Germaniya), Kosuke Mashiyama (Yaponiya).

-52 kg:

“A” guruhi

Reka Pup (Vengriya)

Nomalum raqib

Xorlobodi Bishrelt (Mo'g'uliston)

Nomalum raqib

“V” guruhi

Diyora Keldiyorova (O'zbekiston)

Nomalum raqib

Gefen Primo (Isroil)

Nomalum raqib

“S” guruhi

Amandin Bushar (Franciya)

Nomalum raqib

Fabien Koxer (SHveycariya)

Nomalum raqib

“D” guruhi

CHelsi Jiles (Buyuk Britaniya)

Nomalum raqib

Distriya Krasnichi (Kosovo)

Nomalum raqib

Kimsan Uta Abe o'z vaznida saralangan orasida yo'q. Boisi u Tokio-2020 Olimpiadasidan so'ng musobaqalarda deyarli ishtirok etmadi va reyting ochkolarining boy berilishi sabab bir nechta pog'ona yo'qotdi. Lekin u 90 foiz ehtimol Toshkentda shohsupaga ko'tariladi. SHuningdek, ikki karra Olimpiada sovrindori italiyalik Odette Juffrida ham sakkizlikda yo'q. Agar ular quraning Diyora Keldiyorova joy oladigan qismiga tushishmasa, yurtdoshimizning kechki dasturda medallar uchun kurashish imkoniyati keskin oshadi.

Sakkizlikka kirmagan kuchli sportchilar: Uta Abe (Yaponiya), Odette Juffrida (Italiya).

Albatta, bu sportchilarning reytingi, nomlari va shu paytgacha qayd etib kelgan natijalari asosida tayyorlangan tahlil. Biroq hammasini musobaqaga har tomonlama tayyor bo'lgan professionallar hal qilishadi. Hatto, yuqorida qayd etilmagan nomlar orasida chempion chiqishi ham hech gap emas. Bu borada barcha dzyudochilarga, xususan, yurtdoshlarimizga omad tilab qolamiz. Eslatib o'tamiz, qura tashlash marosimi bugun Toshkent vaqti bilan 16:00 da bo'lib o'tadi.