Dzyudo "Masters". Ikki sportchimiz chorak finalga yo'l oldi

-81 kg vazn toifasidagi dzyudochimiz SHarofiddin Boltaboev Qatar "Masters" turnirining chorak finaliga yo'l oli.

Dzyudochimiz biroz avval yakuniga etgan bellashuvda mo'g'ulistonlik Uuganbaatar Otgonbaatarga qarshi bahs olib bordi va raqibini mag'lubiyatga uchratdi. Bu mo'g'ul dzyudochisi avvaliga rossiyalik jahon chempioni Xasan Xalmurzaevni, keyin esa kanadalik Entoni Valois-Fortierni taslim etgan edi. SHarofiddinning chorak finaldagi raqibi ayni daqiqalarda o'tkazilayotgan uchrashuvdan so'ng malum bo'ladi.    

Biroz avval Hikmatulloh To'raev ham 1/4 final yo'llanmasini naqd qildi. Murakkab kechgan bellashuvda -73 kg vazn toifasidagi dzyudochimiz mo'g'ulistonlik Tsogbaatar Tsend-Ochirni ippon bahosi bilan mag'lubiyatga uchrata oldi. Endi To'raevni jiddiy raqib kutib turibdi. Hikmatulloh yarim final yo'llanmasi uchun jahon chempionatining oltin (2018) va bronza (2017) medallari sohibi, koreyalik An CHangrimga qarshi tatamiga chiqadi.