Dzyudochilarimizning Franciyadagi mashg'ulot bazasi ko'zdan kechirildi + FOTO

Tayyorgarlik mashg'ulotlari mashhur Sena daryosining chap qirg'og'ida joylashgan Normandiya regioni Kodbek-lez-Elbyof shaharchasida bo'lib o'tadi. 

O'zbekiston dzyudo federaciyasi bosh kotibi Aziz Sobirov hamda federaciyaning xalqaro bo'limi boshlig'i Olimxon Mahmudmurodov terma jamoamiz uchun yaratilgan sharoitlar bilan yaqindan tanishish maqsadida Franciyada bo'lib turishibdi. Kodbek-lez-Elbyof shahri meri janob Bonnaterre kichik delegaciyamiz azolarini qabul qildi. 

Muloqotdan so'ng ular mashg'ulot bazasidagi sharoitlar, mehmonxona, oshxonani ko'zdan kechirdilar. Bazada katta dzyudo zali, basseyn, trenajyor zali bo'lib, barcha sharoitlar taxt holatga keltirib qo'yilgan. Terma jamoamiz olimpiya shaharchasiga kirgunga qadar aynan shu erda mashg'ulotlarni o'tkazadi.