Eddi Xirn Ahmadalievga kamarlarni birlashtirishi haqida savol berdi. Murodjon javobni uzoq kuttirmadi

Biz uchun ahamiyatlisi, ushbu boks kechasi doirasida hamyurtimiz Murodjon Ahmadaliev o'ziga tegishli chempionlik kamarlarini himoya qiladi. Bugun jang oldidan tashkil etilgan matbuot anjumanida bokschilar hozir bo'lishdi va savollarga javob qaytarishdi.

Xususan, oqshom tashkilotchisi, taniqli promouter va menejer Eddi Xirn Murodjonga qolgan ikki yo'nalish chempionlik kamarlarini birlashtirishga tayyormisan deya savol yo'lladi. Ahmadaliev bu savolning javobini uzoq kuttirmadi. 

"Men 19 noyabr kungi jangga ko'ngildagidek tayyorgarlik ko'rdim. Ishonchim komil, muxlislarga yoqadigan jang ko'rsataman. Keyingi janglarimda qolgan ikki yo'nalish kamarlarini o'z qo'limda birlashtirishga harakat qilaman. Asosiy maqsadim ham shu. Ammo, buning uchun avvalo ertangi jangimda g'alaba qozonishim shart", - dedi Ahmadaliev.