20 sen 11:56
Yangiliklar
Boks/MMA
Eddi Xirn: "Bivol bilan jangdagi mag'lubiyat uchun Kanelo "ich-etini emoqda"
Taniqli promouter Eddi Xirnning fikricha, Dmitriy Bivol va Saul Alvares o'rtasidagi revansh jangi supero'rta vaznda bo'lib o'tishi kerak.
"Dmitriyning kelgusi raqibiga qanday dosh berishini ko'rishimiz kerak. O'ylashimcha, Bivol bilan jangdagi mag'lubiyat uchun Kanelo har doim "ich-etini eydi". U Bivoldan qasos olishni istaydi.
Saulning 175 funt vaznga qaytib, kamarlarni yutib olmoqchiligiga shubham bor. Kanelo jon-jahdi bilan Ramiresning g'alaba qozonishini istaydi. Lekin bir vaqtning o'zida revansh olish ilinjida Bivolning ham g'alaba qozonishini xohlaydi.
Bivolning mutlaq chempionlikka erishish uchun supero'rta vaznga tushishi mumkinligini istisno qilmayman. Menimcha, u buni xohlaydi. Lekin avval keling, Bivol - Ramires jangining nima bilan tugashini kuzataylik", - dedi Xirn.
Dmitriy Bivol va Xilberto Ramires o'rtasidagi jang 5 noyabr kuni Abu-Dabida bo'lib o'tadi.
Havola :
Manba : sports.ru
Fikrlar