Frensis Ngannu Bellator bilan muzokaralarga kirishdi

Bellator prezidenti Skott Kokerning so'zlariga ko'ra, Showtime rahbari Stiven Espinoza ishtirok etgan kamerunlik bilan uchrashuv shu hafta bo'lib o'tdi va ikkala kompaniyaga egalik qiluvchi Viacom media-konglomerati Ngannuga munosib taklif berishga tayyor.

«Frensis Ngannu bilan shartnoma tuzish mavzusida shu hafta uchrashuv o'tkazdik, u Stiven Espinoza bilan Showtime'da boks uchrashuvi o'tkazish haqida gaplashdi. Kompaniyamiz unga xohlagan - MMA va boks bo'yicha qo'shma shartnoma taklif qilishi mumkin. O'ylaymanki, biz bir-birimizga munosibmiz. Muzokaralar davom etmoqda, voqealar rivojini kutamiz», - dedi Skott Dublindagi matbuot anjumanida.